PLUS TWO EXAM - பிளஸ் 2 தேர்வு ரத்தாகிறதா? முதல்வர் மு.க.ஸ்டாலின் இன்று கல்வித்துறை அதிகாரிகளுடன் ஆலோசனை ~ Kalvisolai

பிளஸ் 2 தேர்வு எப்போது? பிளஸ் 2 தேர்வு குறித்து முதல்வர் மு.க.ஸ்டாலின் இன்று கல்வித்துறை அதிகாரிகளுடன் ஆலோசனை நடத்துகிறார். அதைத்தொடர்ந்து முக்கிய அறிவிப்பு வெளியிடப்படும் என்று எதிர் பார்க்கப்படுகிறது.
தமிழகத்தில் பிளஸ் 2 தேர்வு நடத்துவது தொடர்பாக முதல்வர் மு.க.ஸ்டா லின் தலைமையில் நேற்று ஆய்வுக் கூட்டம் நடந்தது. அந்த கூட்டத்தில் பள்ளிக் கல்வித்துறை அமைச்சர் அன்பில் பொய்யாமொழி, உயர்கல்வித்துறை அமைச்சர் பொன்முடி, பள்ளிக் கல்வித்துறை செயலாளர், உயர்கல்வித்துறை செயலாளர், உள்ளிட்டோர் கலந்து கொண்டனர்.
இந்த ஆய்வுக் கூட்டத்தில் பிளஸ் 2 தேர்வு நடத்துவது தொடர்பாக முதல்வர் மு.க.ஸ்டாலின் அதி காரிகளிடம் விவரங்கள் கேட்றிந்தார்.
அப்போது கொரோனா தொற்றின் தீவிரம் குறித்தும், மாணவர்களின் பாது காப்பு குறித்தும், பெற்றோர் தரப்பில் தெரிவிக்கப்பட்ட கருத்துகள் சிபிஎஸ்இ தேர்வுகள் குறித்த விவரங்களை முதல்வர் கேட்டறிந்தார்.
பின்னர் இந்த கூட்டத் திற்கு பிறகு பள்ளிக்கல்வித் துறை அமைச்சர் அன்பில் மகேஷ் பொய்யாமொழி கூறியதாவது:
தமிழகத்தில் கொரோனா தொற்று காரணமாக ஒத்திவைக்கப் பட்டுள்ள பிளஸ் 2 தேர்வு நடத்துவது தொடர்பாக முதல்வர் தலைமையில் ஆய்வு நடத்தப்பட்டது.
பள்ளிக் கல்வித்துறையின் சார்பில் இந்த தேர்வு குறித்து எடுக்கப்பட்ட நடவடிக்கைகள் குறித்தும், அதற்கான ஏற்பாடுகள் குறித்தும், பெற்றோரின் கருத்தும் தெரிவிக்கப்பட் டது.
இந்தநிலையில், பிரதமர் நரேந்திர மோடி தலைமையில் நடந்த ஆய்வுக் கூட்டத்திற்கு பிறகு நேற்று மாலை 7 மணி அளவில் சிபிஎஸ் இ 12ம் வகுப்பு தேர்வு இந்த ஆண்டு ரத்து செய்யப்படுவதாக பிரதமர் அறிவித்தார்.
அதைத் தொடர்ந்து, தமிழகத்தில் பிளஸ் 2 தேர்வு குறித்து முதல்வர் மு.க.ஸ்டாலின் இன்று ஆலோசனை நடத்துகிறார். அதன் பின்னர் முடிவு அறிவிக்கப்படும் என்று எதிர்பார்க்கப்படுகிறது.

Popular Posts